*

جفّ الكلام , ومدّت إيدينها فوُق .. 

إخترت هذي , وإنت شف لك سحابةة

قلت : وإيديني تحتضنها مثل طوُق 

إخترت هذي ..

هذي أكثر رحابة 

هذي دفى صوت من البرد مخنوُق

هذي سؤال نصف عمري جوابه

هذي هي اللي عرفتنّي على الشوُق

هذي قدر , ماكنت حاسب حسابه

قطعة حزن , ف جيب بالي ومشقوق

ومضة فرح ..

ف عيوُن ناس غلابة

إن سوُلفت , ف ثغرها لمعة بروُق

وإن سرّحت ف عيونها صمت غابة

وليّا ضحكت ؛ نوُر من الفجر مسروق

وليّا بكت ؛ تحزن عليها الكئابة

حبي لها , لو ادري ان فيه مخلوُق 

قد حبّ مثله .. 

قلت يا للغرابة !

هالادمي من وُين له قلب وعروُق

والصبر هالمسكين من وين جابه

وانا أتكلم 

ردت عيوُنها فوق .. 

ثم تمتمت , من هي هالاكثر رحابة ؟

قلت وإيديني تحتضنها مثل طوُق 

ف ذمتي .. 

( ماشفته غيرك : سحابة ") 

- فهد المساعد ..